Autoritetet greke janë vënë në kërkim të një shkencëtareje amerikane, e cila është zhdukur prej shtatë ditësh në ishullin e Kretës.

Suzanne Eaton, një biologe 59-vjeçare në Institutin Max Planck në Universitetin e Drezdenit në Gjermani, po merrte pjesë në një konferencë në Akademinë Ortodokse në Kretën Veriperëndimore, ku ajo u pa për herë të fundit më 2 korrik.

Ajo besohet të ketë shkuar për një vrap dhe më pas u zhduk, njofton një faqe online e ndërtuar nga familja e saj.

Të gjitha sendet e Eaton mbeten në dhomën e hotelit ku ajo qëndronte, duke përfshirë pasaportën e saj, portofolin, telefonin, paratë e gatshme dhe këpucët e çiklizmit. Megjithatë, këpucët e saj të vrapimit mungojnë, sipas faqes.

“Për shkak të terrenit të ashpër dhe nxehtësisë ekstreme, ne besojmë se mundësia më e mundshme është se Suzanne mund të jetë rrëzuar në kërkim të një hije”, thuhet në postimin në Facebook.

Eaton është një nënë e dy djemve dhe gruaja e shkencëtarit britanik Tony Hyman.

Punëdhënësi i saj, Instituti Max Planck, përsëriti në një deklaratë online se të gjitha teoritë ishin “spekulative” dhe fakti i vetëm i njohur ishte se Eaton u pa për herë të fundit në konferencën të martën pasdite.

“Përveç faktit që është një shkencëtar kryesor në fushën e saj, Suzanne është një atlete, si dhe ka marrë një medalje në Tae Kwon Do”, thuhet në deklaratë..”

Instituti Max Planck tha në një postim në Facebook se miqtë e Eaton kanë ofruar një shpërblim 50 mijë euro  për këdo që mund të japë ndonjë informacion rreth zhdukjes së saj.

Deri të hënën pasdite, fushata e kërkimit për Suzanne kishte ngritur më shumë se 30 mijë dollarë për të paguar për ekipet e kërkimit dhe shpëtimit të mëtejshëm në Kretë. Fushata po u kërkon gjithashtu përdoruesve të Facebook-ut të depërtojnë nëpër imazhe online në mënyrë që të ndihmojnë gjetjen e shkencëtares së humbur.