Ish-sekretarja amerikane e shtetit, Madeleine Albright, e cila është nderuar sot me Urdhrin e Lirisë, ka thënë se ndjehet krenare për gjithçka që ka bërë të arritur Kosova këto gjëra.
 

Gjatë dekorimit të saj me Urdhrin e Lirisë, nga Presidenti i vendt, Hashim Thaçi, Albright është shprehur se Kosova është vend i pavarur dhe meriton të njihet.

“Jam krenare për gjithçka që keni bërë ju dhe ne për t’i arritur këto gjëra. Nuk do harroj kurrë vitet e luftës, njerëz që brohorosnin ‘Faleminderit USA’. Mendoj që SHBA ka bërë gjënë e duhur. Jam e nderuar të jem këtu me ju. Kosova është vend i pavarur prandaj meriton të njihet”, ka thënë Albright.

Ndërsa presidenti i Kosovës Hashim Thaçi ka thënë se ajo do të mbetet gjithnjë heroi i popullit të Kosovës.

“Jemi të bekuar si vend si popull që Clinton dhe ju jeni rikthyer në shtëpinë tuaj familjen tuaj për të uruar 20 vjetorin e lirisë së Kosovës, 20 vjetorin e shpresës dhe besimit për vendit. Ju keni ditur të bashkoni botën demokratike. Si president i Kosovës dhe mik i juaji, më lejoni të ndaj çmimin e Urdhrit të Lirisë, për kontributin tuaj të jashtëzakonshëm për lirinë dhe pavarësinë e Kosovës”, është shprehur presidenti Thaçi.