David Beckham po mendon të udhëtojë në hapësirë, “The Sun” raporton se  43-vjeçari do të bëhet futbollisti i parë që do të shkojë në hapësirë.

Ai ka kohë që po e mendon një gjë të tillë, por tashmë duket se do t’i duhet të vendosë sa më shpejt pasi “udhëtimi hapësinor po bëhet një perspektivë më realiste”.

Raportet gjithashtu thonë se kompania Virgin Galactic – e cila potencialisht do të jetë gati të dërgojë turistë në hapësirë [sipas shefit Richard Branson] – kërkon në fakt një marrëveshje për sponsorizim nga ish-futbollisti.

“Është diçka për të cilën David ka folur për një kohë të gjatë. Kjo ka qenë e diskutueshme në të kaluarën, por tani udhëtimi në hapësirë po bëhet një perspektivë më realiste, dhe mund të bëhet realitet”.