Kjo do të thotë se në Firefox nuk do të ketë funksione të reja derisa Fenix të kompletohet. Nuk dihet se kur do të debutojë por shfletuesi Firefox duhet të arrijë fundin e jetës vitin e ardhshëm.
 

Firefox në Android nuk ka marrë vëmendjen e duhur nga Mozilla dhe për arsye të forta. Kompania është duke punuar në një shfletues të ri “Fenix” i cili është dizajnuar për të zëvendësuar Firefox në Android.

Si pjesë e përpjekjeve për të zhvendosur resurset drejt Fenix, do të shohim Firefox të “ngelet” pas dore. Firefox 67 dhe Firefox 68 të cilët debutojnë më 14 Maj dhe 9 Korrik respektivisht do të marrin vetëm rregullime dhe përditësime sigurie.

Firefox 68.1 do të debutojë më 3 Shtator dhe 68.2 më 22 Tetor. Duke mbajtur Firefox në versionin 68, Mozilla do të ketë mundësi të shtojë punën në drejtim të Fenix.

Kjo do të thotë se në Firefox nuk do të ketë funksione të reja derisa Fenix të kompletohet. Nuk dihet se kur do të debutojë, por shfletuesi Firefox duhet të arrijë fundin e jetës vitin e ardhshëm.

Duke qenë se Fenix ka një arkitekturë tjetër uebi, do të duhet kohë përpara se shfletuesi i ri të jetë i disponueshëm për masat. Nëse doni të provoni Fenix, ndërtimet e para eksperimentale i shkarkoni në këtë lidhje. Mjafton të zgjidhni APK që i përshtatet pajisjes suaj dhe nëse jeni të paqartë atëherë shkoni për “aarch64.”